jueves, 5 de abril de 2012

ROL

                      vou camiñando co meu corpo polas rúas:
                      (tamén podería ir sin el)
                      pero hoxe toca alugalo no peirao:
                      vou facer de figurante
                      nunha posta de sol.
                      non sei cando escomezei con isto,
                      deixarme levar polas pombas das horas,
                      que non voltan ao pombal,
                      doar o meu sangue
                      a unha vida melancólica...

                      non me vai tan mal, paso
                      case sempre inadvertido,
                      aprendo das paisaxes e da xente,
                      dos acenos, das miradas...

                      mergullado no ar e no presente,
                      non teño máis vicio que vivir.